Arrijnë kamionët me mazut, vazhdon furnizimi me ngrohje
Termokos ka njoftuar se rreth orës 15.00 dy autobotet e para me mazut, që kanë qëndruar për dy ditë me radhë të bllokuara në terminalin doganor për shkak të ngricave në rrugë, kanë arritur në Termokos.“Me të arritur mazuti është deponuar në rezervarët e Termokosit,prej nga do të përcillet menjëherë tek Departamenti i prodhimit dhe do të fillojë prodhimi i energjisë ngrohëse për gjithë konsumatorët tanë”, thuhet në njoftimin e Termokosit për media.
Furnizimi me ngrohje do të vazhdojë sipas orarit, që është aplikuar deri më tani dhe në harmoni me lëvizjen e temperaturave. /Telegrafi/
