Banka Islamike për Zhvillim mund të financoj ndërtimin e rrugëve

14:00 / 12.12.2012

Ministri i Infrastrukturës (MI), Fehmi Mujota me bashkëpunëtorë, priti në takim një delegacion të Bankës Islamike për Zhvillim, të cilin e kryesonte Walid A.Fagih, nga Arabia Saudite.

Në këtë takim u bisedua për thellimin e bashkëpunimit të mëtutjeshëm. Ministri Mujota e falënderoi delegacionin në fjalë për përkrahjen që po e ofron Banka Islamike për Zhvillim, si dhe përfitimet që do të marrë Kosova nga kjo bankë.

Gjatë këtij takimi, ministri Mujota e njohu delegacionin me projektet të cilat janë duke u realizuar në Kosovë, por edhe me projektet të cilat janë paraparë të realizohen në të ardhmen.

Temë kryesore e takimit ishte financimi i pjesës së rrugës magjistrale Milloshevë-Vushtrri-Mitrovicë, definimi i disa çështjeve që kanë të bëjnë me këtë projekt si dhe mundësia e financimit të këtij projekti, nga ana e kësaj banke.

Ndërsa, Walid A.Fagih, kryesues i delegacionit të Bankës Islamike për Zhvillim, u shpreh :” Ne jemi të interesuar për të thelluar bashkëpunimin me Kosovën në financimin e këtij projekti si dhe ofrimin e ndihmës në realizimin edhe të projekteve tjera”. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.