Bashkëpunim me Turqinë në ekonomi dhe financa

14:58 / 21.06.2013

Ministri i Financave i Kosovës, Besim Beqaj, është takuar sot me ambasadoren e Turqisë në Prishtinë Songül Ozan, me të cilën bisedoi për bashkëpunimin ndërmjet dy vendeve, në veçanti në fushën e ekonomisë dhe financave. Ministri Beqaj vlerësoi përkrahjen e popullit dhe shtetit turk për ndaj Republikës së Kosovës në forcimin e shtetësisë, njohjes ndërkombëtare, përkrahjen dhe kontributin në lëminë e ekonomisë dhe financave.

Ambasadorja Songül Ozan e përgëzoi ministrin Beqaj për funksionin e tij të ri si ministër i Financave dhe theksoi se Republika e Turqisë ka qenë dhe është thellë e interesuar që ta përkrah zhvillimin ekonomik të Kosovës, përmes investimeve të drejtpërdrejta dhe theksoi se bizneset turke të cilat zhvillojnë biznes në Kosovë i kontribuojnë zhvillimit ekonomik të Kosovës.

Ambasadorja Ozan tha se qeveria e vendit të saj por edhe bizneset janë të interesuara për të dhënë kontributin e vet në zhvillimin ekonomik dhe social të Kosovës.

Në takim gjithashtu u bisedua edhe për zgjerimin e mëtejmë të bashkëpunimit ekonomik e financiar dhe për një sërë marrëveshjesh të cilat pritet që të finalizohen dhe të nënshkruhen së shpejti ndërmjet dy vendeve. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.