BB, paralajmëron ekonomitë e Azisë
Banka Botërore (BB) thotë në një raport se ka ulur parashikimin e saj për rritjen ekonomike të rajonit të Azisë Lindore dhe asaj të paqësorit. Në raport thuhet se ka rreziqe të mëdha që ngadalësimi i aktivitetit ekonomik në Kinë të jetë akoma më i madh.Situata të përkeqësohet më shumë se parashikimi për ekonominë e dytë të botës dhe kjo situatë të zgjasë për një periudhë më të gjatë se parashikimet e kryera më herët. "Ngadalësimi i aktiviteti ekonomik në Kinë, këtë vit, ka qenë në vlerë të lartë dhe ka frikë se mund të përshpejtohet akoma më shumë”, thotë Banka Botërore në raportin për rajonin që publikoi në Singapor.
Kreditori ndërkombëtar thonë në këtë raport se, planet ambicioze të qeverive rajonale për investime mund të përballen me probleme të financimit", të paktën për shkak se do të ndjejnë efektet e ftohjes së tregut të pasurive të patundshme që do të ulë të ardhurat nga shitjet”.
Sipas vlerësimeve të bankës botërore ekonomia e Kinës do rritet me 7.7 për qind në këtë vit kundrejt 8.2 për qind që u parashikua në maj. Ndërsa për vitin 2013 banka botërore parashikon rritje me 8.1 për qind kundrejt parashikimit për rritje 8.6 për qind që bëri në muajin maj.
Për të gjithë rajonin banka botërore parashikon që vendet në zhvillim të regjistrojnë rritje me 7.2 për qind në këtë vit dhe 7.6 për qind në vitin 2013. shifrat janë më të ulëta se parashikimet e muajit maj respektivisht në vlerat e 7.6 për qind dhe 8.0 për qind. /Telegrafi/
