Beqaj: Kosova ofron mundësi për investitorët francez

20:24 / 16.01.2013

Ministri i Zhvillimit Ekonomik (MZHE) Besim Beqaj, ka pritur në takim njoftues ambasadoren franceze në Kosovë, Maryse Daviet, me të cilën ka diskutuar mbi zhvillimet e fundit në vend me fokus zhvillimin ekonomik.

 Ministri Besim Beqaj ka njoftuar diplomaten e sapoemëruar franceze me projektet që janë duke u zhvilluar në fushat që mbulon MZHE, siç janë ndërtimi i kapaciteteve të reja energjetike, rritja e efiçeincës së energjisë, zhvillimin i burimeve të ripërtëritshme dhe projektet tjera në telekomunikacion dhe infrastrukturë.

Beqaj ka vënë në dukje se Republika e Kosovës ofron një mundësi të mirë për investimeve nga ana e investitorëve francez, ndërsa ka shtuar se për këtë vendi ofron një kornizë ligjore mjaft të favorshme. Kreu i MZHE-së ka vlerësuar mbështetjen e Francës për Kosovën në të gjitha proceset duke nënvizuar se tashmë një vend të veçantë në këto marrëdhënie duhet të zë bashkëpunimi ekonomik. 

Nga ana e saj, ambasadorja e Francës, Maryse Daviet ka falënderuar ministrin Beqaj për informacionin e dhënë, duke konfirmuar se mbështetja e Francës për Kosovës do të vazhdojnë edhe në të ardhmen. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.