BERZH-i shikon mundësit për financim në infrastrukturë

15:47 / 11.12.2012

Ministri i Infrastrukturës (MI), Fehmi Mujota me bashkëpunëtorë, u takua me Manish Vasistha dhe Alexandry Chirmiciu nga Banka Evropiane për Rindërtim dhe Zhvillim (BERZH). Ky delegacion është duke i bërë një vizitë Republikës së Kosovës, vizitë kjo e para e një delegacioni të tillë pas anëtarësimit të vendit tonë në këtë institucion financiar ndërkombëtar.

Në takim ministri Fehmi Mujota me delegacionet e BERZH-it, i njoftoi me punët dhe projektet e Ministrisë së Infrastrukturës.

Ai ka prezantuar një numër të konsiderueshëm të projekteve infrastrukturore, si ndërtimin e Autostradave, ndërtimin e rrugëve, zgjerimin dhe modernizimin e rrjetit hekurudhor të Kosovës, si dhe projektet thera në fushat e përgjegjësitë e kësaj ministrie.

Nga ana e tyre, përfaqësuesit e BERZH-it, u zotuan se do të analizojnë të gjitha projektet dhe nevojat e Kosovës, në lëmine e Infrastrukturës.

Duke qenë takimi i parë zyrtar pas anëtarësimit të vendit tonë në këtë institucion financiar, palët u dakorduan që të vazhdojnë që të zgjerojnë bashkëpunimin në të gjitha drejtimet me qëllim të përftimit dhe mbështetjes më të gjerë të BERZH-it, në zhvillimin ekonomik dhe infrastrukturor të vendit tonë. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.