Birra e Pejës eksportohet në Greqi
Zëvendëskryeministra dhe Ministrja e Tregtisë dhe Industrisë Mimoza Kusari – Lila të premten ka vizituar fabrikën e Birra Pejës , ku nga afër është njoftuar për punë dhe prodhimin që po bëhet nga drejtuesit e fabrikës. Kusari – Lila ka premtuar lehtësira për të përmirësuar pozitën e bizneseve në vend.Në vizitën e saj të parë në kompaninë “Birra e Pejës”, ministrja Mimoza Kusari - Lila u njoftua me punën dhe investimet që kjo kompani është duke bërë. “Është mbresëlënëse të shohësh zëvendësimin e importit me prodhim vendor. Ne jemi të përkushtuar të lehtësojmë barrierat tregtare në mënyrë që Birra Peja pore dhe prodhimet tjera vendore të mund të eksportojnë për në BE dhe vende tjera”, theksoi ministrja Kusari – Lila.
Deri më tani, sipas drejtuesve të kësaj fabrike Birra Peja ka investuar 22 milionë euro në fabrikë. Birra Peja së fundi ka filluar eksportin edhe në Greqi, epo ashtu së shpejti pritet prodhimi i katër lloje të pijeve jo-alkoolike.
Zëvendëskryeministrja Kusari – Lila të premten po ashtu ka vizituar edhe kompaninë “Gruda”, e cila merret me bletari si dhe fabrikën e mobileve “Gacaferri”. /Telegrafi/
