Blerësi i Distribucionit këshillohet të zvogëlojë numrin e të punësuarve

10:10 / 3.02.2013

Zyra e Rregullatorit të Energjisë përmes politikave të saj ka stimuluar “Kosova Çalik-Limak Energy” që të ulë numrin e të punësuarve në këtë ndërmarrje pas kalimit të fazës së parë prej tre vjetëve.

Kjo ndërmarrje që pritet të marrë pronësinë dhe menaxhimin e Distribucionit dhe të Shpërndarjes, nuk ka të drejtë që në tre vjetët e parë të zvogëlojë numrin e të punësuarve. Ky obligim ka ardhur nga vendimet e Qeverisë së Kosovës të miratuar edhe nga Kuvendi i Kosovës.

Rregullatori e ka stimuluar blerësin e KEDS-it që të ulë numrin e të punësuarve përmes aplikimit të “Faktorëve të efikasitetit”.

Përmes këtij faktori, ZRRE-ja e obligon një kompani që brenda një periudhe të caktuar të ulë koston operative dhe të mirëmbajtjes. E në koston operative hyjnë edhe numri i të punësuarve, përkatësisht kostoja që kompania ka për pagesën e pagave të punëtorëve, shkruan Koha.Ditore.

Në bazë të disa burimeve rreth 48 për qind e të punësuarve në Distribucion dhe Furnizim janë të panevojshëm për funksionim normal të kompanisë.

Përveç pagave, ka edhe faktorë të tjerë të operimit përmes të cilëve mund të ulet kostoja e operimit, siç janë: ulja e shpenzimeve për mirëmbajtjen, shpenzimet administrative, shpenzimet për derivate dhe shpenzime tjera operative, të cilat investohen në procese që kanë jetëgjatësi më të vogël se një vit. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.