Borxhi publik në Spanjë thyen rekordin
Borxhi publik i Spanjës ka arritur në fund të muajit qershor një rekord tjetër historik, me 75.9 për qind të PBB-së, një nivel shqetësues, ndërkohë që vendi po vuan nga tensioni i tregjeve.Borxhi spanjoll, që u rrit me 9.2 pikë në një vit, kaloi gjithashtu limitin e vendosur nga Pakti i Stabilitetit të BE-së me 60 për qind, por mbetet më i ulët se borxhi publik në zonën euro me 88.2 për qind në tremujorin e parë.
Borxhi publik do të vazhdojë të rritet gjatë vitit 2012 pasi qeveria ka parashikuar një rritje 79.8 për qind të PBB-së në fund të vitit, një parashikim që nuk merr parasysh kredinë evropiane për bankat spanjolle, që mund të arrijë në 100 miliardë euro dhe ta rrisë borxhin me 10 pikë. /Telegrafi/
