BSH ruan parashikime pesimiste për vitin 2013

16:05 / 27.02.2013

Parashikimet e Bankës së Shqipërisë (BSH) për rritjen ekonomike ngelen pesimiste. Në konferencën e sotme për mediat, pas mbledhjes periodike të Këshillit Mbikëqyrës, Guvernatori Ardian Fullani, tha se kërkesa e brendshme do të vazhdojë të jetë e plogësht, ndërkohë që kontributi nga eksportet do të jetë më i ulët. Këta faktorë përfaqësojnë stimuj të dobët për rritje ekonomike.

Guvernatori Ardian Fullani nuk pati lajme pozitive për të dhënë sa i takon kreditimit të ekonomisë. Megjithëse bankat i kanë mundësitë për ta mbështetur më shumë ekonominë me financim, ato vazhdojnë të jenë të kujdesshme dhe kushtet e huadhënies nga bankat ngelen të shtrënguara.

Këshilli Mbikëqyrës i Bankës së Shqipërisë mbajti të pandryshuar normën bazë të interesit në 3.75 për qind, duke pritur që ulja e muajit Janar të japë efektet e veta. Kërkesa e brendshme e dobët do të bëjë që presioni inflacionit të jetë i ulët dhe Banka e Shqipërisë parashikon me 90 për qind që inflacioni për 12 muajt e ardhshëm të qëndrojë në intervalin 0.8 për qind-3.8 për qind. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.