Buxheti i Prishtinës mbi 63 milionë euro
Deputetët e Kuvendit Komunal të Prishtinës, me unanimitet të enjten kanë aprovuar Buxhetin e Komunës së Prishtinës për vitin 2013 dhe Kornizën Afatmesme Buxhetore 2013-2015. Buxheti komunal për vitin 2013arrin shumë e 63.371.731 euro, për miratim në Asamblenë Komunale.Kryetari i Prishtinë, Isa Mustafa, tha se buxheti komunal është hartuar me koordinim me të gjitha subjektet politike që janë të përfaqësuara në kuvend. Kryetari Mustafa tha se këtij buxheti i ka paraprirë një debat i gjerë me qytetarë, nga ku janë marrë parasysh kërkesat dhe sugjerimet e tyre.
Në këtë mbledhje të Kuvendit të Komunës u miratua edhe propozim plani zhvillimor i arsimit të Komunës së Prishtinës, 2013-2017, propozim vendimi për shpalljen e ankandit publik për shitjen e automjeteve që u ka kaluar afati i tërheqjes nga palët.
Në mbledhjen e nëntë të Kuvendit të Komunës, nga drejtori i Arsimit u informuan edhe për fillimit të vitit të ri shkollore si dhe u propozuan emrat e dy këshilltarëve të asamblesë për aksionar të Ndërmarrjes Publike Komunale “Stacioni i Autobusëve”. /Telegrafi/
