Buxheti , nuk targeton problemet e Kosovës

9:39 / 14.12.2012

Drejtori i Institutit Riinvest, Lumir Abdixhiku ka deklaruar se buxheti për vitin 2013 i miratuar nga Kuvendi i Kosovës, nuk targeton problemet që ka Kosova, mirëpo sipas tij, përmes këtij buxheti shpenzimi i parave bëhet në mënyrë të pakontrolluar.

Lumir Abdixhiku ka thënë se të hyrat kryesisht janë do të jenë të bazuara nga importi. “Ekonomia e bazuar ne import, nuk sjell brumë për zhvillim ekonomik”.

Sipas tij, tendenca e shpenzimeve vazhdon të jetë në rritje, ani pse të hyrat nuk rriten. “Koncentrimi i shpenzimeve në autostradën për Shkup, i bie që edhe për 3-4 vitet e ardhshme duhet të sakrifikojmë shumë çka për këtë rrugë”, është shprehur Abdixhiku në emisionin Interaktiv të KTV-së, transmeton Orainfo.

Ai ka thënë se brenda 4 viteve të ardhshme parashihet të shpenzohen 800 milionë euro më shumë se sa të hyrat

Ndërkaq, anëtarësimin në BERZH, Aabdixhiku e ka vlerësuar si lajm të mirë, nëse kjo mundësi do të shfrytëzohet mirë nga institucionet e vendit. “Rrugët tona duhet të financohen prej BERZH-it që nuk parashihet në buxhet. Do të jetë lajm i mirë edhe për bizneset nëse do të jenë atraktive të fitojnë nga BERZH”, ka theksuar Abdixhiku. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.