Çmimi i naftës hip pak
Kontratat e naftës u rritën të enjten pasi të dhënat nga SHBA-të kanë zgjuar shpresën se do të ketë një konsum të qëndrueshëm të naftës bruto. Ekonomia e parë në botë është edhe konsumatori më i madh i naftës, por problemet në ekonomitë e eurozonës kanë kufizuar masën e rritjes së çmimit të naftës.
Nafta bruto Brent e Londrës për dhjetorin u rrit 22 cent në 108.07 dollarë për fuçi. Nafta bruto amerikane për dhjetorin u rrit 13 cent në 85.86 dollarë për fuçi.
Fokusi në ditën e sotme do të jetë edhe në raportin mbi aplikimet e papunësisë në shtetet e bashkuara për javën e kaluar, ndërkohë që raporti për stokun e hidrokarbureve tregoi për rritje të ndjeshme të shifrave. /Telegrafi/
