Çmimin e naftës me rritje
Kontratat e naftës u rritën në sesionin e së premtes duke zgjeruar fitimet e orëve të fundit të tregtisë në ditën e enjte. Kontratat vijojnë të mbështeten nga vendimi i rezervës federale për të blerë 40 miliardë dollarë bono në çdo muaj deri në përmirësimin e sektorit të punësimit.
Ky vendim ka mbështetur sektorin e energjisë dhe të të gjitha lëndëve të para. Por në treg analistët parashikojnë se ndikimi pozitiv i vendimit të Rezervës Federale mund të jetë i shkurtër në rast se nuk rezulton të mbështetet me rritej të konsumit dhe ringjallje të ekonomisë në rajonet e mëdha të Europës dhe të Kinës.
Nafta bruto amerikane për tetorin u rrit 1 dollarë në 99.30 dollarë për fuçi dhe është në vlerën më të lartë që nga muaji maj. Nafta bruto Brent e Londrës për nëntorin u rrit 65 cent në 116.63 dollarë për fuçi. /Telegrafi/
