Dogana zhdoganimi të mallrave edhe në veri

13:39 / 9.01.2013

Nga e enjta do t’i ipet fund hyrjes së mallrave nga Serbia për në Kosovë në masën prej 3.5 tonë, pa iu nënshtruar taksave doganore, cila ka qenë në fuqi prej 21 dhjetorit deri më 10 janar dedikuar kryesisht serbëve të veriut.

Zëdhënësi i Doganës së Kosovës Adriatik Stavileci, ka thënë për Radio Dukagjinin se që nga nesër edhe në dy pikë kalimet kufitare Jarinjë dhe Bërnjak do të fillojnë të aplikohen dispozitat e Kodit Doganorë si në të gjitha pikat tjera kufitare. “Gjithsesi se nesër Dogana do të fillojë që të gjitha mallrat të fillojë me zhdoganimin e atyre mallrave. Normalisht mallrave të cilat kanë status komercial. Mallrat të cilat do të lejohen me u fut pa taksa doganore, janë mallra të cilat lejohen me u fut në të gjitha pikat tjera doganore në Kosovë”, ka thënë ai.

Zëdhënësi o Doganës së Kosovës Adriatik Stavileci, ka thënë se përkundër kushteve të cilat në dy pikat doganore në veri janë më të vështira se në pikat tjera, Dogana është e gatshme që të kryej punën e sajë. “Kushtet në pjesën veriore janë më të vështira se në pikat tjera, duke filluar prej transportit dhe infrastrukturës. Por sidoqoftë Dogana dhe oficerët doganorë të cilat janë në ato dy pika doganore, bëjnë përpjekje maksimale që puna edhe në ato dy pika të zhvillohet njëjtë me sikurse në gjitha pikat tjera”, ka deklaruar Stavileci.

Ndryshe, zyrtarët e Ministrisë së Punëve të Brendshme kanë deklaruar se lehtësimi për mallrat që kanë hyrë nga Serbia në Kosovë për serbët e veriut deri në 3.5 tonë ka qenë masë lehtësuese për festat e fundvitit. /Dukagjini/Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.