Edexcel po vjen në Kosovë

Sipas informatave që kemi, Kolegji Universitar Universum është institucioni i cili ka kaluar certifikimin dhe është aprovuar nga Edexcel, ndërsa lajmi zyrtar pritet të publikohet brenda dy ditëve.

Drejtori Ekzekutiv i kolegjit pranoi se Universum është inspektuar nga Edexce, ndërsa premtoi se lajmi do të bëhet zyrtar deri të premten, atëherë edhe kur pritet të arrijë konfirmimi zyrtar.

Mësohet se Universum fillimisht do të ofroj programe në biznes (me specializime në menaxhment, kontabilitet, marketing dhe të drejtë biznesore), e pastaj programe në media kreative, zhvillim dhe animacion të lojëra kompjuterike, menaxhim të turizmit, hotelerisë dhe udhëtimeve, si dhe në shkenca kompjuterike e zhvillim softueri.

Edexcel, pjesë e Pearson, ofron kualifikime akademike dhe profesionale në Mbretërinë e Bashkuar dhe në mbi 100 shtete në gjithë botën, ndërsa ka 1.5 milionë studentë. Programet e Edexcel janë shumë praktike dhe të ndërlidhura direkt me industrinë dhe tregun e punës. Ato po ashtu kanë pranueshmëri dhe njohje të lartë ndërkombëtare.

Procesi i aprovimit dhe validimit të qendrave është mjaftë rigoroz, ndërsa prania e Edexcel dhe e programeve të tij në Kosovë - përmes certifikimit të Kolegjit Universitar Universum - është një lajm i mirë si për të rinjtë që dëshirojnë të marrin kualifikime të vlefshme për treg të punës, e po ashtu për punëdhënësit të cilët mund të jenë të sigurt se do të punësojnë bashkëpunëtorë me shkathtësitë e duhura për punë. /Telegrafi/

http://www.edexcel.com/Pages/Home.aspx