Ekonomia greke vazhdon me rënie
Ekonomia e Greqisë u kontraktua me 6.2 për qind në tremujorin e dytë të këtij viti, pasi masat shtrënguese të qeverisë për të zvogëluar deficitin kanë dëmtuar shpenzimet konsumatore. Në bazë të këtyre të dhënave vështirësohet akoma më shumë përmbushja e objektivave të vendosura nga ndërkombëtarët, në këmbim të marrjes së ndihmës.
Greqia tashmë gjendet në vitin e 5 të recesionit dhe rënia ekonomike e ka rritur papunësinë në niveline 23.1 për qind. “Ekonomia e Greqisë është në gjendje të vështirë, dhe përballet me mbijetesën, por të shpresojnë se kjo është një shenjë se shkalla e rënie ka filluar të ngadalësohet”, tha Chris Williamson, shef i ekonomistëve të Markit.
Në tremujorin e parë, ekonomia e Greqisë ra në masë të madhe me 6.5 për qind. Ndërkohë, qeveria po përpiqet të realizojë objektivin e kursimeve prej 11.5 miliardë euro, për të siguruar këstin e radhës të ndihmës nga ndërkombëtarët.
Norma totale e papunësisë në Greqi aktualisht është në 23.1 për qind, dhe 55 për qind e tyre janë të moshës nga 15-24 vjeç. Sipas parashikimeve, pritet që ekonomia e Greqisë të tkurret me 6.9 për qind gjatë këtij viti. /Telegrafi/
