Ekspertët, dyshojnë në cilësinë e kompanive konkurruese për PTK-në
Janë 8 kompani, prej tyre dy konsorciume që kanë dorëzuar aplikacionet për para-kualifikim për blerjen e 75 për qind të aksioneve të Postës dhe Telekomunikacionit të Kosovës. Kompanitë në fjalë nuk vlerësohen shumë nga ekspertët. Kompanitë janë nga shtetet e ndryshme të botës, por është vështirë të gjenden të dhëna për përvojën e tyre në fushën e telekomunikacionit, përveç dy tre kompanive.
Drejtori ekzekutiv i qendrës për Hulumtime Strategjike dhe Sociale STRAS Ibrahim Rexhepi, vlerëson se numri kompanive, por jo edhe përvojën e tyre. “Në fakt ky numër më i madh nuk ofron ndonjë cilësi meqenëse aty mungojnë emrat, lojtarët e mëdhenj në tregun global dhe kjo është pak shqetësuese pse tregu i Kosovës nuk është atraktiv, nuk është tërheqës për investitorë serioz”, thotë Rexhepi.
Kurse Drejtori ekzekutiv i Institutit Riinvest, dhe njohësi i qështjeve ekonomike, Lumir Abdixhiku, tek kompanitë konkurruese, nuk gjen ndonjë me emër në arenën ndërkombëtare. “Prej emërtimeve është pak e vështirë për të parë historikun apo background-in e tyre në fushën e telekomit, në përgjithësi, meqenëse ka disa kompani që kanë një eksperiencë. E para që të bie në sy është se nuk kemi një kompani me renome evropiane apo botërore”, thekson Abdixhiku, RTK-Radio.
Kompanitë të cilat kanë dorëzuar aplikacionet e tyre për parakualifikim janë:
Albright Capital Management LLC ( Shtetet e Bashkuara të Amerikës ), Avicenna Capital LLC në konsorcium me Tëelve HORNBEAMS ( Mbretëria e Bashkuar, Poloni ), Columbia Capital në konsorcium me ACP Axos Capital Gmbh ( Shtetet e Bashkuara të Amerikës, Gjermani), Elkos LLC ( Kosovë ), Geni Capital (Luxemburg ), M1 International Limited ( British Virgin Islands ), Monaco Telecom International SAM ( Monaco ) dhe Turkcell ( Turqi ).
Ekspertët konsiderojnë se kompanitë në fjalë nuk kanë konkurruar pasi janë zhgënjyer nga procesi i kaluar i tenderimit. /Telegrafi/
