ERSTE hap konkursin për çmimin Integrime Sociale 2013

Aplikacionet mund të dërgohen në periudhën prej 3 shtatorit deri me 11 nëntor te vitit 2012, përmes faqes së internetit www.socialintegration.org/register.

Përveç shpërblimeve në vlerën e përgjithshme prej 610.000 eurosh, 30 organizatat fituese (30 projektet fituese, dy çmime të veçanta të jurisë, dhe një çmim i jurisë speciale) do të kenë gjithashtu në dy vitet e ardhshme mbështetjen e konsulentëve në marrëdhëniet me publikun. Përveç kësaj, të gjitha organizatat që do te hynë në listën e ngushtë (rreth 130 organizata nga të gjitha vendet pjesëmarrëse) do të ftohen për t'u bërë pjesë e Akademisë së OJQ/ve te Foundacionit ERSTE, në të cilën do te shkëmbehen njohuritë dhe përvojat në mënyrë që të forcohen kapacitetet e tyre në fusha të ndryshme: marrëdhëniet me publikun dhe marrëdhëniet me media, mbledhjen e fondeve, sipërmarrjes sociale dhe të identitetit organizativ.

"Çmimi i Foundacionit ERSTE për Integrime Sociale jepet për herë të katërt dhe ne jemi të kënaqur që projekti është zhvilluar aq shumë gjatë pesë viteve të ekzistencës së tij - nga një koncept i thjeshtë të çmimit për vitin 2007, që ishte dedikuar për organizatat jo-qeveritare nga katër shtete, deri te programi kompleks i integrimit social i cili zhvillohet ne 13 shtete gjatë konkursit për vitet 2012/2013. Ne besojmë se është e rëndësisë qenësore që sektori joqeveritar të bëhet më i dukshëm, në mënyrë që të tërheqin burime të reja të financimit, por edhe për ti motivuar individët për të punuar për mirëqenien e përgjithshme të shoqërisë. Për këtë arsye, mbështetja jonë nuk përfundon me ceremoninë e ndarjes së çmimeve, e cila do të mbahet në qershor të vitit 2013”, tha Dejan Petrovic, menaxher i projektit çmimet e Fondacionit ERSTE për integrime sociale.

Projektet do të vlerësohen nga një juri ndërkombëtare. Fituesit e konkursit për çmimin e Fondacionit ERSTE për Integrime Sociale 2013 do të shpallen në ceremoninë solemne e cila do te mbahet në Vjenë, në qershor të vitit 2013. /Telegrafi/