Ferat Shala në vend të Dino Asanajt
Tashmë është vetëm çështje ditësh kur në vend të Dino Asanajt të ndjerë do të emërohet Ferat Shala, ish drejtor i Drejtorisë së Inteligjencës të Shërbimit Informativ të Kosovës dhe së fundmi drejtor i përgjithshëm i “Trepça”.Megjithëse kjo çështje është dashur të vendoset në muajin shtator, duket se Qeveria e Kosovës po pret rastin më të volitshëm që të zyrtarizojë emërimin e Shalës në krye të Agjencisë Kosovare të Privatizimit.
Për emërimin e Ferat Shalës në krye të AKP-së janë njoftuar edhe anëtarët e Bordit të AKP-së, shkruan Bota Sot.
Bordi i AKP-së ka mbetur pa kryetar prej 14 qershorit të këtij viti kur u kumtua lajmi për vdekjen e Dino Asanajt, që më pas u cilësua si vetëvrasje. /Telegrafi/
