Flini Dathë
Ministri i Administratës Publike, Mahir Yagcilar, ka thënë se nuk do të ketë reduktim të stafit të administratës publike, por sistematizim dhe organizim të brendshëm. “Nuk kemi kërkesë nga faktori ndërkombëtarë që të kemi një reduktim të administratës pasi jemi shtet i ri dhe kemi nevojë për krijimin edhe të disa institucioneve të tjera, por gjithsesi që në fund do të bëhet një vlerësim i gjendjes në administratë”, ka thënë ai.
Me projektligjin e ri për festat zyrtare në Kosovë, shërbyesit civil do të kenë shumë punë, pasi është parapare të zvogëlohet numri i tyre.
“Në rast se festat bien të shtunën e të dielën nuk do të ndodh kompensimi i tyre gjatë ditëve të punës. Ndërkaq 9 Maji, Dita e Evropës, do të jetë vetëm festë memoriale, pra do të punohet”, ka thënë Yagcilar në një intervistë për të përditshmen “Epoka e Re”.
Ministri Yagcilar, ka bërë më dije se kjo ministri tashmë e ka dorëzuar në Qeverinë e Kosovës, projektligjin e ri për fetat zyrtare që parasheh zvogëlimin e këtyre festave. /Telegrafi/
