Hapet panairi Manaferra 2012
Ministria e Bujqësisë Pylltarisë dhe Zhvillimit Rural (MBPZHR), ka njoftuar të hënën se në sheshin “Nëna Terezë” në Prishtinë është hapur panairi ”Manaferra 2012”, në të cilin po marrin pjesë rreth 10 kultivues nga zona të ndryshme të Kosovës.Ky panair, i cili këtë vit po mbahet për herë të parë, organizohet nga MBPZHR-ja, USAID/NOA, IADK-ja dhe instituti “Riinvest” .
Qëllimi i këtij panairi sipas zyrtarëve të Ministrisë së Bujqësisë është promovimi i manaferrës vendore përmes shitjes së drejtpërdrejtë.
Panairi, do të jetë i hapur deri më 27 korrik dhe të gjithë kultivuesit e manaferrës do të ofrojnë frutat e tyre.
Ky organizim është vazhdimësi e angazhimeve të MBPZHR-së në kuadër të fushatës “Për sofrën tonë”, e cila ka për qëllim ka përkrahjen e prodhuesve dhe përpunuesve vendorë.
Panairin gjatë ditëve në vijim do ta vizitoj edhe ministri i Bujqësisë Blerand Stavileci. /Telegrafi/
