Hidhet poshtë padia e blerësit të Grandit

10:35 / 27.03.2013

Dhoma e Posaçme e Gjykatës Supreme i ka dhënë të drejtë Agjencisë Kosovare të Privatizimit (AKP) për vendimin që kjo e fundit kishte marrë për tërheqjen e aksioneve blerësit të hotelit “Grand”.

Dhoma e Posaçme e ka hedhur poshtë si të pabazuar padinë që blerësi i “Grandit”, “Unio Commerce”, i kishte bërë AKP-së rreth vendimit për tërheqje të aksioneve, duke konsideruar se blerësi kishte bërë shkelje të rënda të kontratës së lidhur me rastin e blerjes së kësaj ndërmarrjeje.

Vendimi është marrë nga kolegji i specializuar, i përbërë nga gjyqtari kryesues, Alfred Grafvon Keyserlingk, gjyqtarët Shkëlzen Sylaj dhe Serim Fazliji, shkruan Koha Ditore.

Ky aktgjykim është marrë nga shkalla e parë dhe blerësi i hotelit “Grand” ka të drejtë që kundër këtij aktgjykimi të parashtrojë ankesë tek Kolegji i Ankesave i Dhomës së Posaçme brenda 21 ditëve, që është shkallë e dytë. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.