Inkasim rekord i të hyrave nga tatimi në pronë

14:51 / 10.01.2013

Komuna e Ferizajt, vitin e kaluar ia ka dalë që të grumbulloj 1.2 milion euro nga të hyrat e tatimit në pronë, shifër kjo rekorde krahasuar me të hyrat e viteve të mëparshme. Zyrtarët komunalë kanë thënë të enjten se kjo është një tregues i mirë i një bashkëpunimi mes institucioneve dhe taksapaguesve ferizajas.

"Mund të themi se është rritje rekorde. Mbi 1.2 milion euro janë inkasuar, që do të thotë 10 për qind më shumë se në vitin 2011. Sipas kësaj rezulton se për 3.8 për qind është tejkaluar edhe plani i tatimit. Si drejtori jemi të kënaqur, ndërsa mund të vlerësoj me këtë rast se Ferizaj është ndër komunat më të mira sa i përket inkasimit të të hyrave, veçan tatimit në pronë" ,ka thënë Mustafë Grainca, drejtor për Ekonomi, Financa dhe Buxhet.

Ndonëse ende nuk ka ndonjë rangim zyrtar nga Departamenti i Tatimit në Pronë, zyrtarët kanë thënë se për këtë performancë, presin të fitojnë ndonjë grant stimulues, nga donatorët e ndryshëm, i cili do të ndihmonte në rritjen e planeve investuese.

Ndryshimet e ligjit mbi tatimin në pronë, gjatë këtij viti do të sjellë rritje të hyrave nga tatimi në pronë, nga shkaku se ka ardhur deri tek rritja e normës tatimore për objektet e banimit rezidencial e jorezidencial, nga 0.05 për qind në 0.15 për qind, rritje në kufij minimal e që i bie të jetë diku 66 për qind.

"Të gjitha analizat tona thonë se gjatë këtij viti do të mund të grumbullohen rreth 1.6 milion euro, apo mbi 300 mijë euro më shumë", ka deklaruar Grainca, raporton Kosovapress. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.