Japoni, deficiti tregtar në nivele rekord

15:58 / 20.02.2013

Deficiti tregtar i Japonisë në muajin janar regjistroi humbje rekord, si rrjedhojë e veprimit të vendosur të Bankës Qëndrore, që ndikoi në një humbje të vlerës së jenit për të lehtësuar përballimin e borxhit tepër të lartë kombëtar.

Në muajin janar, eksportet regjistruan rritjen e parë në tetë muaj, pasi me zhvlerësimin e monedhës ato u bënë më tërheqëse dhe të përballueshme për kërkesën e huaj blerëse.

Megjithatë, si rrjedhojë e një monedhe më të dobët, importet u bënë më të kushtueshme, duke rritur deficitin tregtar në 1,6 miliardë jen, një rritje prej 10 për qind në krahasim me një vit më parë.

Rritja e deficiti tregtar në nivele rekord për janarin u ndikua edhe nga shtrenjtimi i menjëhershëm i çmimit të karburanteve në tregjet ndërkombëtare.

Japonia, vendi me ekonominë e tretë më të madhe në botë, përballet me një nevojë të shtuar për karburante, pasi pothuajse të gjithë reaktorët bërthamorë të vendit qëndrojnë të mbyllur, që prej krizës së Fukushimës, ku rrjedhje reaktive u regjistruan si rrjedhë e dëmeve të një tërmeti të shkallës 9 sipas magnitudës rihter, pasuar nga një tsunami madhor.

Gjata janarit, niveli i përgjithshëm i importeve u rrit me 7.3 për qind, me karburantet që regjistruan rritjen më të madhe prej 28 për qind. Ndërkohë, eksportet u rritën me 6.4 për qind, kryesisht pajisje elektronike dhe prodhime të gatshme industriale. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.