Kandidati nga PDK-ja për guvernator të BQK-së

9:45 / 5.02.2013

Bedri Hamza, i dyti në listë për guvernator të Bankës Qendrore të Kosovës (BQK), edhe më tej s’po heq dorë nga aktivitetet partiake të Partisë Demokratike të Kosovës (PDK).

Hamza para pak ditësh ka dhënë dorëheqje nga pozita e ministrit të Financave, për të konkurruar në konkursin për guvernator, por edhe pse e ka bërë një gjë të tillë, ai ditëve të fundit ishte bukur aktiv në kongresin e PDK-së, shkruan “Zëri”.

Hamza ishte i ulur në rendin e parë, dhe gjithashtu ka qenë pjesë e votimit për kryetarin e ri të kësaj partie.

Njohës të rrethanave ekonomike në vend, thonë se politizimi i BQK-së është në dëm të Kosovës. Ibrahim Rexhepi nga organizata joqeveritare “STRAS” thotë se Bedri Hamza ka dhënë dorëheqje nga pozita e ministrit të Financave, por, sipas tij, ai nuk ka dhënë dorëheqje nga Partia Demokratike e Kosovës.

Rexhepi thotë se Hamza edhe më tutje po vazhdon të jetë shumë aktiv në aktivitetet e Partisë Demokratike të Kosovës. “Komisioni intervistues duhet të ketë parasysh një fakt se Hamza është njeri politik dhe si i tillë ai nuk mund të emërohet në krye në bankës Qendrore të Kosovës”, tha ai. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.