Katër kompani për pastrimin e rrugëve në Mitrovicë

14:46 / 11.12.2012

Komuna e Mitrovicës ka angazhuar katër kompani për pastrimin e rrugëve nga bora që ka vështirësuar së tepërmi qarkullimin. Problemet me të mëdha vazhdojnë të jenë në zonën e Shalës së Bajgorës, kur trashësia e borës është më e madhe.

Drejtori për Shërbime Publike, Rasim Veseli, tha se kompania “Uniteti” e cila është e kontraktuar nga komuna për mirëmbajtjen e rrugëve ka angazhuar edhe tre nënkontraktorë në mënyrë që të mos mbetet e bllokuar asnjë rrugë. “Në zonën e qytetit dhe në periferi rrugët janë të kalueshme, megjithëse me vështirësi meqë bora po vazhdon të bie pa ndërprerë. Ai theksoi se telashe më shumë ka në zonën malore të Shalës së Bajgores”.

Sa i përket kësaj zone, drejtori për Mbrojtje dhe Shpëtim, Behxhet Bala, tha se është duke u punuar vazhdimisht që rrugët të hapen në të gjitha lokalitetet. Theksoi se problemi kryesor është në rrugën magjistrale Mitrovicë-Podujevë, për të cilën përgjegjëse është Ministria e Infrastrukturës. “Për shkak të gjendjes së krijuar ne jemi angazhuar edhe për pastrimin e kësaj magjistraleje”.

Si pasojë e gjendjes së krijuar të martën ka pasur probleme edhe sa i përket procesit mësimor në zonën e Shalës. Ali Bejta, drejtor për Arsim, tha se në shkollën e Rashanit dhe atë të Kaqandollit nuk është mbajtur mësimi si pasojë e borës së madhe që ka vështirësuar lëvizjen e nxënësve dhe të personelit. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.