KD aprovon draft dokumentet e projektit “Kosova e Re”

15:18 / 1.02.2013

Komiteti Drejtues i Projektit të Termocentralit “Kosova e Re” shqyrtoi të premten ecuritë në lidhje me përgatitjen e Kërkesës për Propozime dhe strukturën e Transaksionit TC Kosova e Re, pas heqjes së termocentralit Kosova B nga projekti i TC Kosova e Re.

Në takim u diskutuar çështjet e ndërlidhura me transaksionin dhe çështje e tjera të hapura e te cilat pritet të finalizohen ndërkohë.

Komiteti Drejtues i Projektit TC Kosova e Re aprovoi draft dokumentet e projektit dhe mori vendim për hapjen e periudhës katër javore për komentimin e Kërkesës për Propozime dhe draft Marrëveshjet e Projektit nga palët e përfshira në proces me qëllim të pasurimit të dokumenteve në fjalë.

Komiteti Drejtues i Projektit është i përkushtuar për finalizimin e dokumentacionit të Transaksionit dhe publikimit të Kërkesës për Propozime dhe draft Marrëveshjeve të Projektit deri në fund të muajit mars 2013.

Në mbledhjen e Komitetit Drejtues ishin të pranishëm edhe vëzhguesit dhe palët tjera të përfshira në proces (Banka Botërore, Banka Evropiane për Rindërtim dhe Zhvillim, USAID, Zyra e Unionit Evropian në Kosovë, KfW, USAID, KEK dhe KOSTT). /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.