KEK: Nuk ka reduktime
Korporata Energjetike e Kosovës ka sqaruar opinionin se nuk është duke aplikuar reduktime për asnjë kategori në asnjë pjesë të territorit të vendit.“Gjendja e furnizimit me energji elektrike pa ndërprerje nuk ka çka e tremb askënd emë së paku mediumet e sipërshënuara. Këto mediume në asnjë rrethanë nuk guxojnë të jenë kaq joprofesionale sa t’i përziejnë prishjet lokale në rrjet për shkak të motit të lig, të cilat po evitohen në afat rekord tek konsumatorët që paguajnë faturat, me reduktime”, thuhet në komunikatën e KEK-ut, e cila vjen pas informacioneve të plasuara në disa media se KEK-u ka filluar me aplikimin e reduktimeve të ashpra.
“Reduktim nënkupton kur ndërpritet energjia elektrike për shkak të mungesës së saj e jo kur ka prishje në rrjetin e shpërndarjes”, sqaron tutje KEK.
“Ndërsa, sa i përket prishjeve ku konsumatorët nuk paguajnë faturat e tyre, KEK e ka bërë të qartë disa herë se nuk intervenon pa u arritur niveli i caktuar i pagesës së faturave për energjinë që e kanë shpenzuar konsumatorët”, thuhet në komunikatën e KEK-ut. /Telegrafi/
