KEK-u premton rrymë pa ndërprerje për Vitin e Ri

9:18 / 30.12.2012

Qytetarët e Kosovës do të kenë furnizim të pandërprerë me energji elektrike për festat e fundvitit. Ky është premtimi i Korporatës Energjetike të Kosovës, që thotë se i ka bërë përgatitjet maksimale për dimër e për festat e fundvitit. Viktor Buzhala, zëdhënësi i KEK-ut, ka thënë se gjatë festës së Vitit të Ri do të ketë furnizim pandërprerë me energji elektrike për të gjithë qytetarët.

“Tash e një kohë të gjatë nuk jemi duke aplikuar reduktime për asnjë kategori, ashtu do të vazhdojë edhe për festat e fundvitit, për të cilat kemi bërë përgatitje maksimale”, ka thënë Buzhala. Dy blloqet e termocentralit ‘Kosova B’, dhe njësit A4 dhe A5 të TC ‘Kosova A’ së bashku janë duke prodhuar 800 megavate orë energji elektrike, transmeton Koha.net.

“Përveç prodhimit vendor ne edhe me import arrijmë që t’i furnizojmë të gjithë me energji elektrike pandërprerë”, ka thënë Buzhala.

Prishjet e rrjetit, sipas Buzhalës, janë duke shkaktuar probleme me furnizim, pasi sipas tij rrjeti nuk është në gjendjen e duhur teknike.

“Për t’i eliminuar prishjet, KEK-u u bën thirrje qytetarëve që të kursejnë energjinë elektrike. Po ashtu nëse ka prishje i lusim qytetarët që t’i paraqesin ato në numrat tanë kujdestarë menjëherë, në mënyrë që prishja të evitohet më shpejt”, ka thënë Buzhala. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.