KEK-u rreth 10 milionë tonelata rezerva të qymyrit
Zyrtarët e Korporatës Energjetike të Kosovës (KEK), kanë bërë të ditur se kanë rezerva të mjaftueshme për funksionimin e blloqeve të KEK-ut me qymyr. Sipas tyre, aktualisht prodhimi ditorë i qymyrit në minierat e KEK-ut është 20 mijë tonë në ditë. Kurse rezervat e përgjithshme të zbuluar me thëngjill janë 9.5 milionë tonë.Zëdhënësi i Korporatës Energjetike të Kosovës, Viktor Buzhala, tha për Telegrafin se gjatë verës janë detyruar që të ulin për 10 mijë tona prodhimi ditorë. “Prodhimin ditor gjatë sezonit të verës e kemi reduktuar rreth 20.000 tonë në ditë, pasi qe rezervat në dy deponit janë shumë të mëdha, mbi 460.000 tona”, theksoi Buzhala.
Ai ka bëtë të ditur se prodhimi ditor gjatë sezonit të vjeshtës dhe dimrit pritet të jetë rreth 30.000 tonë ditë , pasi që edhe shpenzimet e Termocentraleve janë më të mëdha. “Rezervat në dy deponitë jenë 465.000 tona, kurse rezerva të zbuluara të qymyrit i kemi rreth 9.5 milionë tona: në Sibovc Jugperëndimor 8 milionë tona, kurse në Sitnicë 1.5 milionë tona”, theksoi zëdhënësi Buzhala.
Pika kryesore aktualisht ku furnizohen Termocentralet e KEK-ut me qymyr, sipas tij, janë Sibovci-Jugperëndimor, ku mbi 50 për qind e prodhimit total është nxjerre nga ky pasen. /Telegrafi/
