Kërkohet zgjatja e pauzës së drekës
Pauza prej 30 minuta për kohën e drekës ishte çështja më e diskutuar në tryezën mbi ligjin e punës organizuar nga Oda Ekonomike Amerikane në Kosovës (OEAK). Oda por edhe bizneset kërkuan që koha e kësaj pauze të zgjatet.Zgjatja e kohës për më shumë se 30 minuat për drekë është thënë nga Drejtori i OEAK-së Arian Zeka. “Një rekomandim i cili ka dal nga komuniteti i biznesit është ai lidhur me pushimin e drekës e edhe rekomandimi i Odës Amerikane thotë që të jetë më fleksibil”, tha Zeka.
Mirëpo kryeinspektori i Punës Basri Ibrahimi, frikohet se zgjatja e kësaj kohe, mund të sjell më shumë dëm tek punëtorëve. “Mundësia e keqpërdorimit të atij gjysmorëshi është shumë më i madh sesa mundësia që ta ulë produktivitetin e punëtorëve. Ne nuk kemi mund me lejua si Inspektorat i Punës që t’i zgjatet orari i punës pas tetorëshit për shkak të mundësisë shumë të madhe të keqpërdorimit të atij gjysmorëshi se e kishin shty me punua gjysmë orë më shumë por në fakt prapë nuk ia kishin dhënë për pushim por vetëm kish punua dhe gjysmë ore më tepër”, tha Ibrahimi.
Për sa i përket mendimeve se pushimi i lehonisë po ndikon që femrat të punësohen më pak, Ibrahimi këtë më shumë e ndërlidhi me kulturën tonë, edhe pse sipas tij punësimi i femrave është në nivel me përfaqësimin e femrave në Parlament. /Telegrafi/
