Kompania amerikane me plan milionësh në energjetik

16:11 / 12.12.2012

Drejtuesit e Odës Ekonomike Amerikane në Kosovë (OEAK), Presidenti i Bordit Erolld Belegu dhe Drejtori Ekzekutiv Arian Zeka pritën në takim pune përfaqësuesit e kompanisë energjetike amerikano-kanadeze “EmberClear” e cila planifikon që të investojë në Kosovë.

Drejtuesit e Odës Amerikane mirëpritën planet e kompanisë “EmberClear” për investime në vend, si një indikator i rëndësishëm se me gjithë vështirësitë e shumta në ambientin e të bërit biznes, Kosova mbetet një vend tërheqës për investitorët e huaj. Ata vlerësuan se projektet e tilla janë të rëndësishme për një zhvillim të qëndrueshëm ekonomik të vendit si dhe për luftimin e papunësisë dhe përmirësimin e mirëqenies së qytetarëve.

Në anën tjetër, përfaqësuesit e kompanisë “EmberClear” shpalosën para drejtuesve të Odës Ekonomike Amerikane në Kosovë, detajet e planit të tyre për investime në vlerë prej 700 milionë eurosh për zhvillimin e kapaciteteve të reja energjetike në vend.

Gjatë takimit u theksua rëndësia që institucionet e vendit të miratojnë sa me prioritet kornizën e nevojshme legjislative e cila do të mundësonte thithjen e më shumë investimeve të ngjashme nga investitorë të huaj. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.