Kontratat e naftës rriten lehtë
Kontratat e naftës janë rritur të martën pasi investitorët vlerësojnë si moment për të blerë rënien e fortë të një dite më parë ndërkohë që tensioni në lindjen e mesme vijon të mbështesë vlerën aktuale të naftës. Për tregun energjetik intensifikimi i përplasjes me armë mes palëve në Liban dhe i lidhur me luftën civile të Sirisë ka rritur shqetësimet e investitorëve për çrregullim të furnizimit botëror me naftë.Ndërkohë në treg vërehet një tendencë e rikthimit të investitorëve në asete me risk veprim që rrit çmimin e kontratave të naftës. Nafta bruto Brent e Londrës për dhjetorin u rrit me 36 cent në 109.80 dollarë për fuçi. Nafta bruto amerikane për dhjetorin u rrit 24 cent në 88.89 dollarë për fuçi.
Ndërkohë sipas analizave teknike sugjerohet që nafta Brent të bjerë përsëri në 107 dollarë për fuçi si pasojë e tregut me furnizim të kënaqshëm dhe parashikimit për dobësi në ekonominë globale.
Për analistët nafta Brent në javët në vijim do jetë e kuotuar në 105 dollarë ndërsa nafta bruto amerikane do jetë në segmentin 80 deri 85 dollarë për fuçi. /Telegrafi/
