Kosova 31 milionë euro në muaj për mallrat e Serbisë
Serbia është vendi kryesor prej nga Kosova importoi më së shumti mallra në muajin gusht. Kjo ndodh, ndërkohë që ka kaluar vetëm një vit kur Qeveria e Kosovës i kishte ndërprerë përkohësisht marrëdhëniet tregtare me këtë shtet. Sipas raportit të Agjencisë së Statistikave të Kosovës, përqindja më e madhe e importit për muajin gusht ishte nga Serbia. Vlera e importeve nga ky shtet ishte 31 milionë e 462 mijë euro vetëm brenda një muaji.
Kurse në gushtin e vitit të kaluar nga Serbia ishin importuar vetëm 3 milionë e 808 mijë euro, apo 3.1 për qind e totalit të importeve. Kësisoj, Serbia mbetet vendi në të cilin shkoi pjesa më e madhe e parave të gatshme të kosovareve, shkruan Koha Ditore.
Deficiti për muajin gusht vazhdon të jetë i lartë. Të dhënat nga tregtia e jashtme në Kosovë tregojnë për një deficit tregtar për këtë muaj, e që ka qenë 217.1 milionë euro krahasuar me deficitin prej 205.9 milionë euro me gushtin e vitit 2011. /Telegrafi/
