Kosova dhe sipërmarrësit e rinj

Sipërmarrësit e rinj janë përfitues të programit të sipërmarrësve të rinj të USAID-it (http://usaidyep.org) që iu ofron përkrahje sipërmarrësve të ri dhe të shquar të Kosovës të moshës prej 18 – 35 vjeç, me mbështetje të dukshme për zhvillimin e mikro-biznesit dhe atij të vogël, përfshirë edhe dhënien e granteve të nevojshme, qasjen në kredi dhe këshillimin.

Kjo ngjarje është organizuar për të shënuar Ditën botërore të diplomacisë ekonomike, e cila organizohet anekënd botës nga Departamenti i Shtetit i SHBA-ve për të vënë në pah diplomacinë e rëndësishme ekonomike të diplomatëve amerikanë dhe ekspertëve për zhvillim kudo nëpër botë.

Sekretarja e Shtetit, Hillary Clinton, ka iniciuar agjendën e saj të diplomacisë ekonomike vitin e kaluar “sepse ne e kuptojmë që udhëheqësia globale bazohet në prosperitetin dhe bashkëpunimin ekonomik”.

“Për këtë arsye, ne po punojmë me partnerët tanë të jashtëm që ekonomia të vihet në ballë të politikës sonë të jashtme dhe që të gjejmë zgjidhje ekonomike për sfidat tona të përbashkëta strategjike”, thuhet në një komunikatë të Ambasadës amerikane në Prishtinë.

Pa marrë parasysh a janë afaristë apo diplomatë, a janë amerikanë apo kosovarë, ekonomia e ndërvarur botërore tregon se të gjithë e ndajmë barrën e përparimit.

“Përtëritja ekonomike e Amerikës varet nga fuqia e ekonomisë botërore dhe ekonomia botërore varet nga fuqia e ekonomisë amerikane”.

Njëri prej qëllimeve kryesore të politikës së jashtme të SHBA-ve në Kosovë është zhvillimi i sektorit privat të Kosovës, për të nxitur rritjen ekonomike të vendit.

Mbështetja e sipërmarrësve të rinj, duke ua dhënë mjetet e nevojshme për të arritur sukses, është vetëm njëra prej mënyrave ku Shtetet e Bashkuara të Amerikës dhe Kosova punojnë së bashku për të forcuar ekonomitë e të dyja vendeve tona.

Video-mesazhin e Sekretares amerikane të Shtetit, Hillary Clinton, mund ta shikoni këtu. /Telegrafi/