Kosova përfiton 41 milionë euro nga FMN

16:25 / 21.12.2012

Kosova ka përfituar edhe 41 milionë euro nga Fondi Monetarë Ndërkombëtarë (FMN), pas vlerësimit të dytë pozitiv të marrëveshjes Stand-by. Ministrit të Financave Bedri Hamza, tha të premten se ky vlerësim pozitiv nënkupton edhe disbursimin automatik të këstit të tretë të mjeteve të FMN-së, në shumën prej 41 milionë euro të parapara me këtë marrëveshje.

“Si rezultat i vlerësimit pozitiv, i përmbushjes së gjitha kritereve kuantitative dhe të përformancës, Kosova përfiton nga ky institucion (FMN) edhe 41 milion euro. Këto mjete është dhënë urdhri për derdhje në buxhetin e Kosovës, dhe tani më veç janë pjesë e buxhetit të Kosovës”, tha ai.

Ministri Bedri Hamza, tha se kusht për vlerësimin pozitiv nga ana e FMN-së ka qenë aprovimi i buxhetit për vitin 2013-të, i cili sipas tij është në harmoni të plotë me FMN-në. “Është buxhet i cili garanton një nivel shumë të lartë të investimeve kapitale, rreth 40 % e këtij buxheti është për investimet kapitale. Janë përfshirë projektet siç është autostrada e kombit, ajo e re Prishtinë-Shkup, rruga në drejtim të Pejës, Mitrovicës, shumë rrugë tjera dhe shkolla. Është përfshirë kostoja për mbulimin e pensioneve, për mbulimin e reformave në shëndetësi, dhe kostoja për reformat në administratën publike”, tha ministri Hamza, raporton Dukagjini.

Ai shtoi se shumë shpejtë pritet që Kosova ta zgjedhë guvernatorin e Kosovës në Bankën Evropiane për Rindërtim dhe Zhvillim. Ndërkaq sa i përket rritjes ekonomike Hamza ka thënë se presin përfundimin e vitit dhe të dalim me të dhënat përfundimtare rreth kësaj çështjeje. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.