Kusari – Lila: BE-ja rruga e Kosovës

Ministrja Mimoza Kusari – Lila tha se mirëpret antarësimin e Kroacisë në BE duke shpresuar se Kroacia do të bëhet një advokat dhe përfaqësues i mirë për rajonin. “Vendi juaj është në një pozicion që ne mund të mësojmë dhe mund ta intesifikojmë bashkëpunimin. Është e rëndësishme që Kosova të mësoj dhe të përcjell rrugën e Kroacisë për në BE”, theksoi ajo.

Kusari – Lila e informoj zevendëskryeministrin Mimica se Kosova gjendet në vazhdën e reformave ekonomike që kanë qëllim lehtësimin e ambientit për të bërë biznes dhe tërheqjen e investimeve të huaja. Gjithëashtu Kosova ka filluar negociatat për marrëveshjen e tregtisë së lirë me Turqinë që do të shërbej si një ushtrim i mirë për marrëveshjen për tregti të lirë me BE-në.
Kosova tashmë është në process të nënshkrimit të marrëveshjes për mbrojtjen dhe promovimin e investimve me Kroacinë, e cila do t’i përafronte bizneset Kosovare me ato Kroate.

Ministrja Kusari – Lila e informoj zëvendëskryeministrin që në fund të vitit të këtij viti, në vazhdën e organizimeve të konferencave ndërkombëtare për promovim të investimeve APIK (Agjencia për Promovimin e Investimeve) do të organizoj një konferencë në Kroaci ku do të prezantohen potencialet dhe projektet konkrete të Kosovës për investime.

Në anën tjetër zëvendëskryeministri i Republikës Kroate, Neven Mimica tha se vendi i tij do ta përkrah fuqishëm Kosovën, posacërisht në lobimin për njohjen e Republikës së Kosovës nga 5 vende të BE-së. “Ne jemi duke punuar për investime të reja nga kompani publike si dhe nxitjen e investimeve private. Në këtë aspekt ne jo vetëm që duam të vazhdojmë bashkëpunimin ekonomik me Kosovën në eksport dhe import, por edhe në aspektet afat-gjatë për investime që do të sjellë një qasje të qëndrueshme”, u shpreh Mimica, i cili tregoj se energjia, infrastruktura, investimet në bujqësi me theks të vecantë përpunimin e ushqimit janë janë sektorët që Kroacia mund të investoj apo të zgjeroj bashkëpunimin me Kosovën. /Telegrafi/