ekonomi:Lajme
Postuar më: 16 January 2013 / 10:25

Qeveria plotëson kriterin kryesor për nisjen e “Rrugës 6”

Qeveria plotëson kriterin kryesor për nisjen e “Rrugës 6”
0

Ministri i deritashëm i Financave, Bedri Hamza, në ditën e largimit të tij nga posti ka bërë të ditur se fondi i rezervës shtetërore është mbi 300 milionë euro. Ky fond ka qenë njëri ndër kushtet, të cilat FMN-ja ia pati kërkuar Qeverisë së Kosovës në mënyrë që të sigurohet qëndrueshmëria buxhetore pas inicimit të punëve në autostradën e dytë të vendit.

“Viti 2012 është përmbyllur me bilanc bankar mbi 300 milionë euro, që është më shumë sesa pritjet reale”, ka thënë të martën ministri i dorëhequr i Financave, Bedri Hamza, shkruan Koha Ditore.

Me kërkesë të FMN-së, ekzekutivi pati përfshirë një nen të veçantë në buxhetin e vitit 2013, në të cilin parashihen kriteret e pranueshme për fillimin e autostradës Prishtinë-Han i Elezit. /Telegrafi/

0 komente
Lajmet e fundit nga TEB Banka