ekonomi:Lajme
Postuar më: 18 Janar 2013 / 13:10

Serbia vazhdon ta dëmtojë ekonomikisht Kosovën

Serbia vazhdon ta dëmtojë ekonomikisht Kosovën
0

Zyrtarë të operatorit të sistemit, transmisionit dhe tregut-KOSST kanë thënë se me gjithë vërejtjet e shumta dhënë Serbisë nga Sekretariati i Energjisë, operatori shtetëror serb vazhdon të mos ndalet së shfrytëzuari asetet e Kosovës.

Zgjidhjen më të shpejtë të këtij problemi disavjeçar e bën edhe më të vështirë mosqasja në pjesën e veriut të vendit dhe dërgimi i kësaj çështjeje në bisedat që po zhvillohen në Bruksel, transmeton “Koha”. Shfrytëzimi ilegal i linjave transit të Kosovës nga Serbia ka nisur që nga viti 2004, kur është nënshkruar Traktati për themelimin e Komitetit të Energjisë për Evropën Juglindore.

Deri këtë vit, Serbia ka paguar për shfrytëzimin e këtyre linjave. Nga ajo kohë KOSST-i është përpjekur të zgjidhë këtë situatë, mirëpo, si çdo problem tjetër me Serbinë, edhe ky është shndërruar në çështje politike. /Telegrafi/
 



0 komente
Lajmet e fundit nga TEB Banka