ekonomi:Lajme
Postuar më: 31 Janar 2013 / 09:17

Thellohet rënia e ekonomisë spanjolle

Thellohet rënia e ekonomisë spanjolle
0

Krahasuar me tremujorin e mëparshëm, ai tetor-dhjetor ishte 0, 7 për qind më i keq, duke hyrë në historinë e vendit si semestri më i dobët që prej krizës botërore ekonomike të vitit 2009.

Aktualisht, Spanja është duke u përballur me faktorë të shumtë që pengojnë rritjen ekonomike, midis të cilëve borxhi i lartë kombëtar, deficiti i lartë buxhetor, masat e ashpra shtrënguese të kursimit, mungesa e konkurrencës, borxhi i lartë i sektorit privat dhe mungesa e qëndrueshmërisë në sistemin bankar.

Kryeministri i vendit, Mariano Rajoy, iu përgjigj këtyre shifrave të publikuara nga Instituti Kombëtar Spanjoll i Statistikave duke lajmëruar një paketë të re stimuluese për ekonominë.

Paketa përfshin reduktim taksash për sipërmarrësit e rinj, por pritet të ketë pak efekt në panoramën e përgjithshme të shkurtimeve që po udhëheq Madridi zyrtar. /Telegrafi/



0 komente
Lajmet e fundit nga TEB Banka