Llamkos prodhon edhe llamarinën e plastifikuar
Llamkos GalvaSteel ka njoftuar se ka përzgjedhur kompaninë “Danieli” për implementimin e linjës së plastifikimit të llamarinës së zinkuar në Vushtrri. Pas privatizimit të suksesshëm të fabrikës në vitin 2011, Llamkos GalvaSteel vazhdon të prodhojë llamarinë të zinkuar dhe produkteve shtesë të llamarinës.“‘Danieli’ është përzgjedhur që të fillojë vlerësimin teknik nga nesër së bashku me Core Group dhe gjithashtu janë duke u shqyrtuar mundësitë e mëtejme të integrimit të plotë, në mënyrë që të fitohet një fabrikë çeliku plotësisht e integruar me një cikël të plotë të prodhimit”, thuhet në njoftim e Llamkosit pwr media.
Kompania “Danieli” hyn në mesin e tre furnizuesve më të mëdhenj të fabrikave dhe pajisjeve për industrinë metalurgjike në mbarë botën.
Investimi i përgjithshëm vlerësohet në 30 milionë euro me mundësi të krijimi të 200 vendeve të reja pune. /Telegrafi/
