Me strategji luftohet shpëlarja e parave
Policia e Kosovës është zotuar që t’i luftoj të gjitha format e krimit, përfshirë krimin e shpëlarjes së parasë dhe financimit të terrorizmit, u tha në ceremoninë e diplomimit të klasës së parë prej 43 zyrtarëve hetues dhe analistëve për krime ekonomike. Trajnimet në fushën e hetimit financiar deri tani janë mbajtur nga Zyra e Thesarit amerikan për asistencë teknike. Tani pas marrjes së kompetencave nga EULEX-i, kursi për teknikat hetuese për herë të parë është mbajtur nga ekspert kosovarë.
Ministri i Financave (MF), Bedri Hamza ka treguar se Kosova ka një program të pavarur të trajnimeve për krime ekonomike. Ai bëri të ditur se në qershor të këtij viti, Ministria e Financave ka marrë kompetencat për inteligjencën financiare nga EULEX-i. “Prej atëherë ne kemi arrit që ta aprovojmë koncept dokumentin për ligjin për shpërlajnë e parave. Për një kohë të shkurt ne arritëm që ta aprovojmë strategjinë për parandalimin e shpëlarjes së parave dhe financimin e terrorizmit”, theksoi Hamza.
Ndërkaq Ambasadorja amerikane, Tracey Jacobson tha se shpërlaja e parave dhe financimi i terrorizmit janë probleme global që kërcënojnë gjithë botën. Andaj luftimi i tyre, sipas saj, mund të jetë i suksesshëm vetëm me përpjekje të përbashkëta. “Instituti i krimeve ekonomike është shembull i mirë i përpjekjeve dhe të arriturave tona të përbashkëta që duhet të korrim suksese në të ardhmen”, deklaroi ajo.
Ndërkaq, Ministri i Punëve të Brendshme, Bajram Rexhepi tha se trajnimet e tilla janë sukses i madh i Policisë së Kosovës. “Ne jemi të zotuar që t’i luftojmë të gjitha format e krimit. Kjo formë e krimit është e sofistikuar por Policia e Kosovës në luftimin e kësaj dukurie ka treguar rezultate të mira”, theksoi ai.
Ministria e Financave ka parapa që të themeloj Zyrën kombëtare për monitorimin dhe koordinimin e luftës për shpëlarjen e parave dhe financimin e terrorizmit. /RTK/Telegrafi/
