Merkel: Na presin kohë të vështira

13:36 / 31.12.2012

Kancelarja gjermane Angela Merkel ka paralajmëruar se klima ekonomike gjermane në vitin 2013 do të jetë edhe më e vështirë. Në mesazhin e saj për Vitin e Ri, Merkel theksoi se kriza e borxhit në eurozonë është ende larg përfundimit.

Megjithatë, ajo tha gjithashtu se reformat e projektuara për të zgjidhur problemin nga rrënjët e tij kanë filluar të japin frytet e para. Zonja Merkel u bëri thirrje gjermanëve që të tregohen më të duruar. “Unë e di se shumë njerëz janë të shqetësuar për vitin që vjen. Ambienti ekonomik nuk do të jetë më i lehtë vitin e ardhshëm, por më i vështirë. Por ne nuk duhet të lejojmë që kjo të na demoralizojë”, tha

Ambjenti ekonomik nuk do të jetë më i lehtë vitin e ardhshëm, por më i vështirë. Por ne nuk duhet të lejojmë që kjo të na demoralizojë.

Kancelarja e lidhi të ardhmen e Gjermanisë me prosperitetin e Bashkimit Evropian. “Për prosperitetin dhe solidaritetin tonë, ne duhet të vendosim balancat e duhura”, nënvizoi ajo. “Kriza evropiane e borxhit tregon se sa i rëndësishëm ky balancim është. Reformat që ne kemi ndërmarrë kanë filluar të japin impaktin e tyre. Megjithatë, ne kemi nevojë për më shumë durim, pasi fundi i krizës është ende larg”, shtoi Merkel.

Komentet e saj duket se bien ndesh me ato të ministrit gjerman të Financave, Wolfgang Schaeuble, që deklaroi javën e kaluar se më e keqja e krizës kishte kaluar.

Në një intervistë për “Bild”, Schauble foli për zhvillime pozitive në Greqi dhe në Francë, duke thënë se: “Mendoj se të keqen e kemi lënë pas”.

Gjermania, ekonomia më e madhe në Evropë, ka qenë arkëtarja e krizës së Eurozonës, një lëvizje që nuk është pëlqyer nga votuesit gjermanë dhe që është kundërshtuar nga disa konservatorë në koalicion me Merkel. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.