Ministria e Diasporës, 120 mijë euro për vetura
Shpenzimet nё luks nuk kanë të ndalur. Institucionet qeveritare nuk po kursejnë hiq kur është puna për të blerë vetura luksoze. Ministri i Diasporës, Ibrahim Makolli, ka vendosur të shpenzojë mijëra euro në blerje të veturave. Blerjen e veturave kësaj ministrie do t’i kushtoj mbi 120 mijë euro.Tenderi për blerjen e tyre është ndarë nё tri loto, dy nga tё cilat i ka fituar “Mercom Company” nga Prishtina dhe njërën kompania “Porche Kosova” nga Prishtina, shkruan gazeta “Lajm”.
Ministria e Diasporës këtë kompani e ka shpërblyer edhe me loton tre, e cila ka vlerën 34,710.00 euro edhe për kёtë tender nё garë ishin gjithsej pesë kompani.
Ministria e Diasporës ka bëre përpjeke për të blerë vetura tani e disa muaj, por këto përpjekje i janë ndalur në gjysmë, pasi i kanë dështuar tenderët dy herë radhazi. Lidhur me blerjen e këtyre veturave nuk ka pranuar të flasë askush nga Ministria e Diasporës.
Për vetura kanë shpenzuar mijëra euro këto institucione. Ministria e Arsimit e udhëhequr nga Ramë Buja, ka shpenzuar rreth 200 mijë euro.
Ministria e Tregtisë dhe Industrisë e udhëhequr nga Mimoza Kuasri-Lila, ka shpenzuar 165 mijë euro dhe këtë e kishte fituar.
Ministria e Administratës Publike e udhëhequr nga Mahir Yagçilar, ka shpenzuar fiks 99, 596. 00 euro.
Ministria e Shëndetësisë e udhëhequr Ferid Agani, ka shpenzuar 64.200.00. Edhe Ministria e Punës dhe Mirëqenies Sociale e Nenad Rashiqit për blerje të veturave, ka shpenzuar rreh 64 mijë euro.
Ndërkaq, ministrja e Integrimeve Evropiane, Vlora Çitaku, për blerjen e veturave, ka shpenzuar 58.200.00 euro.
Sё fundmi, ministri i Diasporës, Ibrahim Makolli, ka vendosur të shpenzojë mijëra euro në blerje të veturave mbi 120 mijë euro. /Telegrafi/
