MTI, me vendime për industrinë e ushqimit dhe atë të ndërtimit
Ministria e Tregtisë dhe Industrisë (MTI), pas vendimit për mbrojtjen e prodhuesit të vetëm të çimentos në Kosovë, “SharrCem”, është duke i shqyrtuar edhe dy raste të tjera që kanë të bëjnë me industrinë e ushqimit dhe industrinë e materialit ndërtimor. Këtë e ka konfirmuar për Telegrafin ministrja, Mimoza Kusari-Lila. Kësaj radhe, sipas zëvendëskryeministres dhe ministres së Tregtisë dhe Industrisë, Kusari-Lila, fjala është për industrinë e ushqimit dhe atë të materialit ndërtimor. Sipas saj, vendimi pritet të merret të martën.
“Javën e ardhshme do të dalim me dy vendime një për industrinë e ushqimit, e një për industrinë e materialit ndërtimor”, ka thënë ministrja Kusari-Lila për Telegrafin.
Ndryshe, MTI-ja më 11 qershor kishte marrë vendim për vënien e masën doganore prej 35 për qind për çimenton që futet në Kosovë nga jashtë. Mirëpo, ky vendim do të ndryshojë më 1 gusht. /Telegrafi/
