Nafta korrekton vlerat, trendi në rritje
Kontratat e naftës kanë korrektuar vlera në pjesën e parë të sesionit të sotëm dhe parashikohet të ruajnë trendin pozitiv dhe mbështetjen për shkak të përmirësimit të humorit të investitorëve në tregjet globale të aksioneve.Në treg prevalon besimi për një performancë më të mirë të ekonomisë globale dhe në veçanti tregu energjetik është në pritje të raportit për stokun e hidrokarbureve në shtetet e bashkuara për javën e kaluar.
Në përgjithësi tregu i lëndëve të para dhe i energjisë gjen mbështetje në politikën ultraliberale monetare që ka paralajmëruar banka qendrore e Japonisë. Aktualisht nafta bruto Brent e Londrës për marsin ra 22 cent në 112.20 dollarë për fuçi. Nafta bruto amerikane për marsin ra 9 cent në 96.59 dollarë për fuçi. /Telegrafi/
