Ndërtimi i rrugës në Polac përfundon në gusht

16:53 / 18.07.2013

Ministri i Infrastrukturës (MI), Fehmi Mujota, dhe përfaqësues të komunës së Skenderajt, vizituan punimet që po bëhen gjatë asfaltimit të rrugëve të fshati Polac. Gjatë kësaj vizite, ministri Mujota tha se po bëhet një punë e madhe në ndërtimin e rrugëve të vendit tonë.

Ministri i Infrastrukturës Fehmi Mujota u shpreh i kënaqur me nivelin e punimeve-asfaltimit të këtyre rrugëve.

Punimet në këto rrugë janë në përfundim e sipër, dhe kapin vlerën financiare prej 627 mijë euro.

Gjatësia e rrugës R102, si rrugë lidhëse është 1.3 kilometra. Ndërsa, gjatësia e rrugës lokale të këtij fshati është 1.8 kilometra.

Këto projekte do të përfundojnë në muajin gusht të këtij viti, ndërsa projektin është duke e realizuar kompania “Kalaja”. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.