Ndryshimi i autostradës ide absurde

11:19 / 12.11.2012

Kërkesa e Serbisë që autostrada Prishtinë-Nish të mos kalojë nëpër Merdar, vlerësohet si absurde. Ish-drejtoresha e rrugëve të Kosovës, Kaqusha Jashari thotë se ideja e Serbisë për t’u lidhur me Malin e Zi përmes Negotinit dhe Pejës, shkel marrëveshjen ndërkombëtare të autostradave. Sipas saj, kjo është një tendencë e vjetër e Beogradit për të anashkaluar portin e Durrësit.

Nish-Merdare-Pejë. Këtë plan ka më shumë se një dekadë që Serbia kërkon ta zbatoj për të krijuar dalje, përmes Kosovës, në Mal të Zi.

Pikat nga do të kaloj traseja e autostradës që i lidhë këto dy vende janë vënë që në vitin 2002 dhe për këtë e ka marrë edhe miratimin e vendeve të rajonit dhe përkrahjen e Bashkimit Europian.

Ata që kanë qenë të inkuadruar në hartimin e projekteve të rrugëve në pjesën e Kosovës tregojnë se kjo ka qenë strategji e Serbisë që ta shmangë portin e Durrësit, shkruan Express.

“Por, tani propozimi që të mos shkohet kah Merdari, por kah Prapashtica, e të lidhet me Leskovc e jo me Nish më ka befasuar”, thotë Kaqusha Jashari, ish-drejtoreshë e Rrugëve të Kosovës. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.