Nisin hetimet ndaj SharrCem-it
Autoriteti Kosovar i Konkurrencës, ka njoftuar se ka nisur hetimet ndaj kompanisë SharrCem në lidhje me vendimin e Ministrisë së Tregtisë dhe Industrisë (MTI), për masat mbrojtëse për çimenton.Autoriteti Kosovar i Konkurrencës, thotë se në bazë të informatave të siguruar nga monitorimi i tregut të çimentos, para dhe pas nxjerrjes së vendimit për Masat e Përkohshme Mbrojtëse në importet e çimentos për të gjitha vendet me tarifa prej 35 për qind nga MTI, ka nisur hetimet, duke u mbështetur në Ligjin për Mbrojtjen e Konkurrencës.
“Pas nxjerrjes së rekomandimit për rishikimin e këtij vendimi me të cilin masë është ndie një çrregullim në tregun e çimentos, që bie ndesh me nenit 11 të Ligjit për Mbrojtjen e Konkurrencës nr. 03/L-229, mori vendim për fillim e procedurës së hetimeve ndaj ‘SharrCem-it’”, ka njoftuat Autoriteti Kosovar i Konkurrencës. /Telegrafi/
